Phó Thủ tướng đơs nền ală jơnau đơs pràn kơldang bơh Cíñ phủ Việt Nam dê bè jơh nùs lơh ngan tam gơl pa pràn kơldang bồ tơngoh kơlôi sơnơng, lơh mờ lơh sir ndrờm bal kơrnoăt boh lam bè lơh sa, cíñ trị, niam chài, mpồl bơtiàn, tiah ơm kis; lơh geh wơl tơl jơnau tơl pràn mờ bơta pràn, lơh geh bơta gơn kơnờm pa ai bơta bơtàu tơngguh mhar mờ kơ̆ kơljăp dà lơgar in, lơh jăt ngan ngồn jơnau kờñ ai dà lơgar bơtàu tơnguh pràn tàm rài pa.

Việt Nam sùm kơ̆ dơn gùng lòt lơh broă mờ lơgar ndai krơi is, rơcăng lài is; gĭt gơ̆p mờ uă lơgar, lơh bơyô mờ uă lơgar; là bơyô niam, là cau tam klăc lơh broă bal pin dờn, là cau tàm mpồl jơh nùs, geh kơnòl bơh mpồl bơtiàn ală lơgar dê. Phó Thủ tướng hòi jà ală mpồl lơh sa kă bro, cau bơcri priă UAE, Trung Đông mờ ală lơgar bơcri priă tàm ală broă ai lài bơh Việt Nam dê tŭ do bè tam gơl tơlir, tam gơl sồ, tam gơl pa bơceh lơh, măy mŏk pa, AI, ƀán zẫn, năng lượng lơh geh wơl.