Pơndŭt dơ̆ lơh broă, Phó Thủ tướng ồng Hồ Đức Phớc đơs loh: Anih priă jền broă lơh dong kờl mpồl bơtiàn là dùl tàm ală “broă tờm” tàm ală broă lơh dong kờl gơmù rƀah, sền gàr lơngăp lơngai rài kis mpồl bơtiàn tàm Việt Nam, drơng cau rƀah mờ ală cau dờp bơta dong kờl mpồl bơtiàn ndai, ờ lời cau lơi gơtìp lời ơm wơl hờ ngkời. Mờ broă lơh bơceh lơh, rơndăp mpồl lơh broă ngai sơlơ lơh sir, jak broă mờng lơh, drơng geh cồng nha cau càn priă là cau rƀah mờ ală cau dờp bơta dong kờl mpồl bơtiàn ndai.

Phó Thủ tướng kung ai jơnau đơs gơ wèt mờ ală jơnau dan loh làng bơh anih priă jền broă lơh dong kờl mpồl bơtiàn dê, jàu ală Ƀộ gah in bơsong mờ dan bơsong jăt gơnăp gơnoar. Phó Thủ tướng kơ̆p kờñ mờ dòn kơnờm tàm tơngai tus, anih priă jền broă lơh dong kờl mpồl bơtiàn rơ̆p pơn jăt tai bơtàu tơngguh pràn kơldang, lơh geh jơnau kờñ bơtàu tơngguh mpồl bơtiàn dê.