Tàm dơ̆ tìp măt, Phó Thủ tướng Duh broă sùm Cíñ phủ ồng Nguyễn Hoà Bình đơs, broă sền gàr tiah ơm kis là dùl broă kwơ màng, jal mhar, là bơta geh, bơta tờm, bơta lơh ngan ai broă bơtàu tơnguh kơ̆ kơl jăp in, là cồng nha kwơ màng tàm broă gàr lơngăp lơngai kòn bơnus, lơngăp lơngai cíñ trị, lơngăp lơngai mpồl bơtiàn, geh Đảng, Dà lơgar, Cíñ phủ sền gròi sồr lơh uă ngan, ai do là dùl tàm pe broă lơh tờm bơh broă bơtàu tơnguh kơ̆ kơl jăp dê.

Phó Thủ tướng Duh broă sùm Cíñ phủ ồng Nguyễn Hoà Bình đơs sùm, nam 2025 yal lài bơta rơ̆p geh uă kal ke rơlao, kơnòl broă geh ai kung kal ke rơlao, den tàng Kụk kảñ sát pơn jăt tai đòm jăt rơlao tai gơnoar lam lài, lòt lài, tơnguh mhar, pràn tàm broă lơh jăt ală gùng dà broă lơh bơh Đảng, adăt boh lam bơh Dà lơgar dê, ală jơnau lơh nền, jơnau sồr bơh Cíñ phủ bè broă sền gàr tiah ơm kis.