Phó Thủ tướng ồng Bùi Thanh Sơn tơlik nùs nhơm chờ hờp tềng đăp ală broă lơh tàm pơgơl mpồl geh bơyai lơh niam, mờ uă gah broă lơh broă bal pa mờ rơndăp broă bơcri priă geh bơta pràn gam cri bơyai.

Phó Thủ tướng sồr bàr gah lơh ngan pơgồp bal nàng lơh, lơh mùl màl jơh ală jơnau hơ mờ ală Kwang đơng lam bồ kấp dờng neh ring bal, lơh jăt broă lơh tam klăc bal Tơl làm mờ gờñ kĭ Jơnau hơ Tam klăc lơh broă  bal Lơh sa Tơl làm, lơh gơlik geh bơta gơn kơnờm chồl tơngguh git gơ̆p tàm ală gah lơh sa, kă bro phan, bơcri priă, sền gàr dà lơgar, măi mok pa, tam gơl sồ, tam gơl tơlir, broă lơh sa suơn sre, lơh broă… Phó Kwang atbồ ală lơgar UAE pà git neh sồr ală anih lơh broă, kes priă bơcri ală lơgar UAE lơh ală broă rơndăp lơh lơh broă bal tàm ală gah broă, tàm hơ̆ neh sồr Ƀộ trưởng Ƀộ Bơcri priă ală lơgar UAE tus còp lơgar Việt Nam bơh ngai 7 tus ngai 8 nhai 2 nam 2025 nàng cri bơyai mờ ring bal ală rơndăp broă lơh, broă lơh lơh broă bal mùl màl tàm tơngai tus.