Phó Thủ tướng Cíñ phủ ồng Bùi Thanh Sơn dờp mờ đơs niam 7 cồng nha pơnrơ ngan bơh gah Lơh sa mờ măi mok mờ  kă bro phan dê, pơgồp bal kwơ màng tàm gùng nha bal bơh gùt lơgar dê geh mờ sơrlèt jơh 15 khà broă, tàm hơ̆, khà gơguh GDP gùt lơgar nam 2024 geh rơlao 7%.

Geh uă ngan là lơh sa mờ măi mok gơguh uă mờ gơguh tàm jơh ală tiah; Tăc blơi phan mờ lơgar bơdìh gơgu tus 800 tơmàn dolar Mỹ, kờp dŭ priă geh bơh broă phan mờ lơgar bơdìh geh 403 tơmàn dolar Mỹ. Bơta geh pơnrơ ngan là khà tăc phan mờ lơgar bơdìh gơguh uă, mờ broă brồ guh wơl pràn bơh ală mpồl phan tăc mờ lơgar bơdìh tờm ngan, tŭ gơguh 13,6% pơn drờm mờ nam 2023. Mŭt tàm nam 2025, jăt Phó Thủ tướng ồng Bùi Thanh Sơn pà git, broă lơh sơnrờp ngan là pal ai geh adăt boh lam ƀuơn, loh làng, ndrờm bal mờ bơsong bơta kal ke bè ală sră nggal ai broă bơtàu tơnguh lơh sa mờ măi mok bal mờ lơh pràn broă kă bro phan, phan kă bro geh tăc niam.