Phó Thủ tướng Cíñ phủ ồng Lê Thành Long neh jàu 400 bơnah phan pà Sa tềp ai ală hìu bơnhă rƀah, hìu bơnhă pa lik klàs rƀah, hìu bơnhă geh rài kis kal ke uă ngan gơwèt mpồl ai ù drơng broă ai ù nàng mut lơh gùng rơndeh lòt mhar Đồng Đăng – Trà Lĩnh; cau lơh phan, cau lơh broă bơh bàr pe mpồl lơh broă, mpồl lơh sa kă bro mờ cau lơh phan gam lơh broă tam gơl gùng rơndeh lòt mhar tàm ù tiah càr Cao bằng dê.

 Phó Thủ tướng Cíñ phủ ồng Lê Thành Long đơs nền, broă sền gròi rài kis ai làng bol in, ngan là ală cau ờ sô ờ xoàn là kơnòl mờ kung là bơhiàn ờs mờng “tàm dong tàm kờl bal” niam bơnĕ bơh jơi bơtiàn Việt Nam dê; sồr kấp ủy, gơnoar atbồ tiah do pơn jat tai sền gròi lam lơh broă lơh gàr tơl niam rài kis mpồl bơtiàn, gàr niam làng bol wă rò Sa tềp Dà lơgar lơngăp lơngai, chờ hờp, niam, ờ gŏ di lời cau lơi gơtìp lời wơl bơh ngkời, tơl nă cau, tơl nơm hìu ndrờm geh Sa tềp lơm.