Tus bal mờ đơs tàm dơ̆ tơngkah, Phó Thủ tướng Cíñ phủ ồng Nguyễn Chí Dũng đơs sùm, ngai 16/4/1975 là tềl lời wơl kah yau tam lơh kăc màng bơh Đảng ƀộ, ling klàng mờ làng bol Ninh Thuận dê - ù tiah khin cha jak chài, kơ̆ dơn nùs nhơm, geh pà sră jờng rơ “Cau ling khin cha jak chài Mpồl ling phàu crong làng bol”.

Tơnơ̆ ngai tơngklàs, sơr lèt gan kal ke tàm rơndăp rơndồl mờ ală bơta geh is kal ke, Ninh Thuận neh hời rơ hời brồ guh. Bơh dùl càr rƀah, tŭ do Ninh Thuận neh lơh geh priă lơh geh gơguh dimơ, gơguh geh 8,74% gơwèt mpồl uă bơh gùt lơgar dê. Phó Thủ tướng sồr càr pơn jat tai đòm jat niam bơhiàn yau, lơh pràn tam gơl pa bơceh lơh, ngui jơh bơta ƀuơn, bơta pràn, lơh ù tiah “trồ tơngai duh bè ồs, càl puh pràn” gơ gơs kơnhoàl ù tiah bơtàu tơnguh kơ̆ kơl jăp, lơh jat geh cồng nha tơrmù di pal mpồl lơh broă, bơt bơtàu gơnoar atbồ 2 kấp jat broă lơh, wèt tus Pơrjum dờng Đảng gùt lơgar dơ̆ 14.