Phó Thủ tướng ồng Nguyễn Hoà Bình neh lòt sền tiah di gơlan geh bơcri priă lơh niam, lơh niam wơl rơndeh par tềng Ƀlàng rơndeh par ală lơgar Vân Đồn (kơnhoàl Vân Đồn, càr Quảng Ninh). Phó Thủ tướng sồr ală Ƀộ, gah lơh broă dà lơgar, Anih duh broă làng bol càr Quảng Ninh pơgồp bal nền nòn mờ cau lơh nàng lơh di tơngai lơh ală gah broă tàm rơndăp broă lơh, bơh tŭ hơ̆ hòi jà ală cau bơcri priă lơgar bơdìh tus bal tàm broă lơh niam, lơh niam wơl rơndeh par tềng Ƀlàng rơndeh par Ală lơgar Vân Đồn.

Pơn jăt mờ hơ̆, mpồl lơh broă neh lòt sền ờ uă rơndăp broă lơh ndai tàm do, bè Rơndăp broă lơh bơcri priă lơh tiah lòt nhơl, ơm rơlô să, pơrài bồ tơngoh (geh bal kă bro casino, ù tiah hìu đam, broă lơh hìu năc ơm, hìu kwơ̆ gơlang ơm rơlô să, resort…) tàm sàh Vạn Yên, kơnhoàl Vân Đồn geh tập đoàn Sun Group lơh tờm bơcri priă. Tơnơ̆ mờ tŭ iăt jơnau yal gơkòl kung bè jơnau dan bơh cau bơcri priă bal mờ Anih duh broă làng bol càr Quảng Ninh dê, Phó Thủ tướng ồng Nguyễn Hoà Bình jào ală Ƀộ, gah lơh broă Dà lơgar tơrgùm wơl, yal, dan mờ Cíñ phủ gờñ geh gùng dà broă bơsong tàm tơngai gờñ ngan.