Ƀộ Gùng lòt Jun pơndiang sền gĭt rơndeh lòt rê tàm gùng ngui đèng là broă lơh kwơ màng ngan nàng ala rơndeh ngui xăng, zờu. Tàm pơrjum, kwang đơng lam bồ ală Ƀộ neh cribơyai bè broă lơh, broă dong kờl uă ngan gơwèt mờ ñiên liệu rềp mềr mờ tiah ơm kis, crăp anih sạc đèng tàm tiah drà; dong kờl làng bol, mpồl lơh sa kă bro jun pơndiang tam gơl tus rơndeh lòt rê tàm gùng ngui đèng.

Đơs pơndŭt pơrjum, Phó Thủ tướng ồng Trần Hồng Hà sồr: Ƀộ Phan kwơ geh is mờ Tiah ơm kis mhar lơh sir tơl jơnau sồr, jơnau kờñ bè tơrmù tơlik bơdìh nhơm lơh ƀơ̆ ƀơl tus tiah ơm kis gơwèt mờ rơndeh lòt rê tàm gùng gam ngui; jơnau kờñ sền gĭt ală tiah, ù tiah geh sơñio sồ ƀơ̆ ƀơl nhơm kis uă pal lơh jat ală broă lơh tơrmù ƀà rơndeh lòt rê tàm gùng lơh ƀơ̆ ƀơl tiah ơm kis, tam gơl tus rơndeh lòt rê tàm gùng ngui đèng; kơlôi sơnơng broă lơh, bơta mờng chài bàr pe Dà lơgar dê bè pơgồp bal mờ ală mpồl Ală lơgar nàng gĭt bal mờ ală priă jền nàng tam gơl tus rơndeh lòt rê tàm gùng ngui đèng.