Đơs IC ICTAS là tập đoàn geh bơngă pin dờn, mờng chài lơh uă ƀlàng rơndeh par tàm dunia, Phó Thủ tướng ồng Trần Hồng Hà pà gĭt, Cíñ phủ, Thủ tướng Cíñ phủ sền gròi ngan, sùm lòt sền, sồr ngan, mờ geh ală dơ̆ pơrjum sồr lơh loh làng ngan nàng kờñ lơh mhar tŭ tơngai, gờñ lơh sir Rơndăp broă lơh Ƀlàng rơndeh par ală lơgar Long Thành.

Phó Thủ tướng kơ̆p kờn IC ICTAX pơn jăt tai lơh broă mờ ală cau lơh broă bal tăc phan măy mŏk nàng gơtùi gĭt nền geh tŭ tơngai gơtùi tơn rŭc lơyah nàng lơh sir Hìu năc ơm ƀlàng rơndeh par Long Thành pal lơh geh bơta niam, jơnau sồr bơta chài, cồng nha lơh sa uă ngan rlau jơh. Ưn ngài Phó Thủ tướng lời tŭ jiơ wă, ồng Reha Denemec đơs nền cih măt bal rơ̆p lơh ngan jơh pràn, jòi ală broă lơh bơta chài, lơh…nàng tơn rŭc lơyah tŭ tơngai lơh sir bơnah broă lơh; mơkung kơ̆p kờñ geh lơh tai ală rơndăp broă lơh phan bơna drơng lơh broă, ngui Ƀlàng rơndeh par ală lơgar Long Thành.