Sơn đờm bơh nam 2006 tàm Kông ty 74 mờ 30 hìu, tus tŭ do broă tơrlòng lơh do neh lơh geh uă tus tàm gùt Ling mpồl 15 mờ mờr 4 rơbô 300 hìu bơh git nđờ rơhiang ƀòn kis jăt gah nàr lơgar Đah tô Tây Nguyên. 20 nam lơh jăt, broă tơrlòng lơh do dong kờl gùng dà broă lơh bơh Đảng lơh geh is tàm làng bol bơh ală broă lơh mùl màl bè “hờm ram jơgoh rơƀah dong kờl bal”, “chờ hờp glar bòl tus bal”, lơh broă bơta pràn bơh tàm dơlam nàng kơrian nùs nhơm kờñ tam cah is mpồl tam klăc jơi bơtiàn.

Bơh tŭ hơ̆, tơnguh tai bơta pràn gùt làng bol sền gàr dà lơgar bal mờ lơngăp lơngai làng bol tàm tiah nhàr lơgar. Mờ broă tơrlòng lơh do, uă hìu neh geh priă bơh 200 tus 300 tơlăk đong tàm 1 nam, tơrmù bơta ờ ndrờm bal pas-rơƀah, tơn jơh bơhiàn ờ niam, tơrmù loh làng ngan broă sơrbì bơsram, tiă gan nhàr lơgar ờ di mờ adăt boh lam. Tàm pơrjum, ală cau ala măt neh pơgồp bal jơnau đơs, broă lơh mờng chài bè broă đơng lam nền nòn bơh kấp ủy, pơgồp bal nền nòn mờ gơnoar atbồ, ngui gơnoar kra ƀòn, kwang atbồ thôn, ƀòn, cau geh bơngă pin dờn, bơceh lơh broă tơrlòng lơh “Pơgồp bal hìu” pơgồp bal tàm broă bơ̆t bơtàu tiah nhàr lơgar lơngăp lơngai, bơtàu tơnguh tơl ală bơta.