Đơs sồr lơh tàm pơrjum, ồng Tô Lâm - Tổng Bí thư, Chủ tịch lơgar cih dờp ală cồng nha pơn rơ ngan bơh Anih duh broă đơng lam Đảng Ling klàng Dà lơgar, kâp ủy, đơng lam ală kâp mờ kwang bàng, cau ling jơh gùt ling klàng dê tàm broă lam lơh kơnòl broă tàm tơngai lài; mờ kung sồr, tơngai tus, kâp ủy, đơng lam ală kâp bơsram uă bồ tơngoh tờm ngan là “Sền gàr dà lơgar tờm bơh gờñ, bơh ngài pal sơn đờm bơh pràn jak đal git gờñ, kờp dŭ lài jŏ jòng mờ lơh broă lài”.

Ồng Tô Lâm sồr anih lơh broă geh gơnoar bơh Anih duh broă đơng lam Đảng Ling klàng Dà lơgar, Ƀộ Ling klàng tơrgùm tơnguh bơta niam kơlôi sơnơng, rơcang lài tă pơgồp jơnau đơs kuơmàng; rơcang lài đal git ală jơnau pơhìn ờs mờng mờ lơngăp lơngai ờ ờs mờng, jơnau pơhìn tàm internet. Pơn jat tai tơnguh bơta niam pơlam tàp, crăp rơcang tam lơh, atbồ kơ̆ tiah kơl wàng trồ, tiah dà lềng, tiah nhàr lơgar, ù tiah tàm lơgar, internet; kràñ cê sền gàr kơ̆ lơngăp lơngai is, gơnoar tờm, tơrgùm dùl, tơl làm kơnhoàl ù tiah mờ tài bơta kuơ dà lơgar dê, jơi bơtiàn dê.