Tàm pơrjum, Củ tịc Quốk hội pà git, Anih duh broă lơh kơnòl broă sùm Quốk hội rơ̆p iăt jơnau đơs bơh ală cau ala măt Quốk hội nàng tus do tam gơl Adăt lơh broă jăt sền bơh Quốk hội mờ Mpồl duh broă làng bol yal Quốk hội in sền, ring bal tàm Pơrjum dơ̆ 10, Quốk hội khoă 15 tus do nàng gàr niam ală jơnau lơh nền tàm pơrjum jăt nền geh lơh nền nòn tàm mùl màl.

Củ tịc Quốk hội sồr, ală cau mblàng mờ cau ala măt tus bal cri bơyai tơrgùm, đơs di tàm ală tơngu me tờm, ai geh jơnau đơs tus mờ ală gùng dà broă lơh mùl màl. Tơn jơh Cri bơyai, Mpồl bơyai lơh rơ̆p lơh jơnau yal tơrgùm bal pơyoa tus Quốk hội, Cíñ phủ, ală Ƀộ, Gah lơh broă dà lơgar bal mờ ală càr, ƀòn dờng nàng di tŭ drơng broă tam gơl tơl ală bơta Adăt Lơh broă jăt sền Quốk hội, Mpồl duh broă làng bol mờ tam gơl, bơtơl ală sră nggal adăt boh lam gơrềng bal.