Đơs tàm Pơrjum cribơyai, Củ tịc lơgar ồng Lương Cường đơs loh: Tam lơh pha lin 30/04/1975 tơngklàs jơh tiah đah Jum Dà lơgar là dùl broă lơh dờng ngan tàm rài kah yau jơi bơtiàn Việt Nam dê. Tàm tam lơh pha lin kah yau hơ̆ geh bơta tă pơgồp bal dờng màng bơh cribơyai broă mờ lơgar ndai lơgar Việt Nam dê. Củ tịc lơgar đơs là, cribơyai broă mờ lơgar ndai neh hòi jà tă pơgồp bal geh bơta kờñ dờng ngan jơh bal phan bơna mờ nùs nhơm bơh ală lơgar tàm dunia, lơh geh srơh ală lơgar dờng ơnàng kờñ dơ̆ tam lơh di ngan bơh làng bol Việt Nam dê.

Tàm kah yau rài 20, ờ hoan geh ngan dơ̆ tam lơh bơh jơi bơtiàn lơi mờ tơrgùm geh bơta kờñ dờng ơnàng làm bă tiah mờ pràn kơl dang jơh bal tàm lơgar mờ bơdìh lơgar bè jơi bơtiàn lơgar Việt Nam dê. Bal mờ hơ̆, cribơyai broă mờ lơgar ndai neh pơgồp niam ngan, kơ̆ ngan mờ broă lơh ling klàng mờ cíñ trị dê “lơh jài, cribơyai jài” bơh hơ̆ ai lơh jai pha tơl broă lơh, lơh geh bơnàng jă ai broă lơh tam lơh tơngklàs tiah đah Jum tơrgùm dùl Dà lơgar lòt tus jai pha jơh lơm.