Pơn jat tai dar pơrjum dơ̆ 44, mho ngai 25/04, Anih duh broă Lơh kơnòl broă sùm Quôk hội cribơyai bè jơnau rcang cih Jơnau lơh nền tàm pơrjum bè ờ sa priă bơsram ai kơnòm bơsram mầm non mờ kơnòm bơsram pe kấp Dà lơgar bơh nam bơsram 2025-2026. Lam lơh Jơnau đơs pơndŭt bơh Ƀộ Cíñ trị dê ngai 1/3/2025 bè broă ờ sa priă bơsram ai kơnòm bơsram mầm mờ kơnòm bơsram pe kấp, Jơnau lơh nền tàm pơrjum rơ̆p bơtơl ală cau geh ờ sapriă bơsram tàm ală hìu bơsram dà lơgar, dong kờl priă bơsram ai ală kơnòm bơsram tàm hìu bơsram làng bol lơh is, hìu bơsram cau dồ nă să is. Jat khà tơrgùm kờp nam bơsram 2023-2024, tŭ do jơh gùt lơgar geh 23 rơbô 200 tơlak nă kơnòm bơsram. Kờp jơh jơnau kờñ priă tă kes priă Dà lơgar pal tă tơm kờp dŭ pơgăp 30 rơbô 600 tơmàn đong.

Uă ngan kwang bàng ring bal bơta kờñ pal geh ai lơh jat Jơnau lơh nền tàm pơrjum dê, tơngŏ bơta niam ngan bơh broă lơh ring bal tàm broă tus bal bơto bơtê mờ geh kơnòl bơh Dà lơgar dê gơwèt mờ cau bơsram, sền gròi ai rơnàng kơnòm să mờ gàr tơl niam rài kis mpồl bơtiàn. Mơya, ală kwang bàng sồr kờñ pal sền sơwì nền nòn bơta pràn tàm pơn ring kes priă Dà lơgar bơh ală tiah dê, ngan là ală tiah geh ală bơta lơh sa mpồl bơtiàn kal ke nàng gàr niam lơh jat broă lơh do.