Pơn jăt hơ̆, Dà lơgar lơh broă tàm Jơnum, cribơyai mpồl broă bè broă lơh rơcăng Pơrjum dờng XIV mờ tĕ khà Quôk hội khoă XVI, pồ Mpồl duh broă Làng bol ală kâp tơngai lơh broă bơh nam 2026- 2031. Ƀộ Cíñ trị pơrjum ai jơnau đơs bè iăt kơno, mblàng lơh loh jơnau đơs Dà lơgar neh cribơyai tàm ngai 10 nhai 04 mờ drim ngai 11 nhai 04, ală tơngume bè pơn jăt tai rơndăp tăp sèng rơndăp mpồl lơh broă bơh ală anih lơh broă cíñ trị dê, rơndăp tăp sèng mpồl lơh broă sră pơ àr gơnoar ătbồ mờ rơndăp gơnoar ătbồ ƀòn lơgar 2 kâp.

Mùl màl là broă rơndăp tăp sèng mpồl lơh broă sră pơ àr gơnoar ătbồ kâp càr; broă rơndăp lơh rơndăp tăp sèng, rơndăp wơl mpồl lơh broă sră pơ àr gơnoar ătbồ kâp sàh; gơnoar broă, kơnòl broă, gơnăp gơnoar, rơndăp mpồl lơh broă bơh gơnoar ătbồ kâp càr mờ kâp sàh dê; bè ală mpồl đảng, mpồl cau, anih cah rña làng bol, anih sền swì jăt sền làng bol; bè rơndăp ai, rơndăp tăp sèng kwang bàng mờ lơh broă bơta dong kờl, broă dong kờl gơ wèt mờ kwang bàng; bè ătbồ, ngui jơtài dà lơgar tơnơ̆ rơndăp tăp sèng.