Pơrjum nàng kờñ cribơyai mờ tă pơgồp jơnau đơs bè Jơnau rcang cih Kơrnoat boh lam lơh broă bơh Mpồl Duh broă Đảng ƀộ càr dê tơngai lơh broă bơh nam 2020–2025 mờ uă tơngume kwơ màng ndai. Jơnau rcang cih geh 5 tap, 25 bơta, cih loh làng kơnòl broă, gơnăo broă, bơta rềp mềr lơh broă đah ală anih lơh broă tàm càr mờ Dà lơgar, gàr niam broă lơh đơng lam geh cồng nha, tơrmù di pal.

Đơs đơng lam pơrjum, Ƀí thư Tỉñ ủy càr ồng Nguyễn Đình Trung sồr ală kwang bàng Mpồl Lơh kơnòl broă sùm lơh jat nùs nhơm geh kơnòl, lơh krơh niam, tam klăc bal mờ lơh jat niam kơrnoat boh lam nàng lam lơh kơnòl broă niam. Tàm pơrjum, Mpồl Lơh kơnòl broă sùm neh ring bal Jơnau lơh nền tơnggơs Mpồl Sồr lơh bơtàu tơnguh jak chài, măi mok, tam gơl pa bơceh lơh mờ tam gơl sồ bơh càr dê; tă pơgồp jơnau đơs bè gơnoar broă, kơnòl broă bơh Mpồl Sồr lơh dê; sền sơ wì broă lơh Pơrjum dơ̆ 1 Mpồl Duh broă Đảng ƀộ càr mờ broă lơh kwang bàng bal mờ bàr pe tơngume ndai.