Tàm pơrjum, Phó Thủ tướng Duh broă sùm Cíñ phủ ồng Nguyễn Hoà Bình đơs loh bơdìh mờ ală cồng nha neh lơh geh, broă lơh jăt neh pà gŏ broă lơh niam wơl sră nggal gam ờ pràn, mpồl lơh sa kă bro, làng bol geh tus bal mờ broă lơh sră nggal ờ hềt mùl màl niam, ƀuơn rơlao.

Ală bơta kal ke, gơkòl do pal di tŭ bơsong nàng di pal mờ jơnau kờñ tàm mùl màl, mhar bơsong mờ ngui geh cồng nha ală bơta pràn nàng brồ guh, bơtàu tơnguh, drơng ai rài pa, rài pas gơs, brồ să bơh dà lơgar dê. Bè kơnòl tàm tơngai tus, Phó Thủ tướng Duh broă sùm Cíñ phủ ồng Nguyễn Hoà Bình sồr ală kwang bàng tàm mpồl sồr lơh, ală ƀộ, gah lơh broă, ală càr ƀòn dờng tơrgùm lơh 11 kơnòl broă neh geh ai. Tàm hơ̆ lơh jăt nền nòn ală gùng dà broă lơh bơh Đảng, Cíñ phủ bè broă lơh niam sră nggal nàng lơh jăt niam, tàm tơngu me loh cau, loh broă, geh tơngu me mờ tơngai lơh gơs.