Tàm 5 nam do, mpồl lơh broă neh cih geh mờr 12 rơbô jơnau cih sră ƀăo, pờ tàm ală anih mblàng yal jơnau bơh Anih Jơnau đơs Việt Nam mờ ală jơnau đơs dà jơi bơtiàn dồ ết nă cau tàm tiah do dê. Ƀí thư Đảng ủy, Kwang lam bồ ồng Lê Hải Sơn đơs sùm, mpồl lơh broă sùm sền pờ tơlik jơnau đơs jơi bơtiàn dê là kơnòl broă tờm, ai jơnau đơs bơh Đảng, Dà lơgar tus mờ rlau 2 tơlak nă làng bol Tây Nguyên mờ ù tiah rềp bal.

Đơng lam Pơrjum dờng, ồng Nguyễn Văn Chí, Phó Ƀí thư mìng lơh dùl kơnòl broă Đảng ủy Anih Jơnau đơs Việt Nam sồr mpồl lơh broă rcang broă lơh kwang bàng di pal tơnơ̆ dơ̆ tơmut bal ƀòn lơgar; tam gơl pa broă mblàng yal ai làng bol jơi bơtiàn dồ ết nă cau; lơh pràn ngui jak chài măi mok tàm lơh gơlik, wèt tus broă lơh “sră ƀăo pa, atbồ ngăc ngar, măi mok sồ”.