Pơrjum bơyai lơh mờ broă lơh pơrjum tơn, pơgồp bal mờ pờ tơlik tàm internet tus ală anih pờ tơlik tơn bơh dà lơgar tus kâp kơnhoàl, kâp sàh. Pơrjum nàng kờñ pơlam lơh jat ală tơngume tờm, bơta pa, bơta tờm bơh sră nggal pơrjum Đảng Dà lơgar dê pa bơyai lơh bơh ngai 10 tus ngai 12 nhai 4. 

Ală cau ala mat neh geh pơlam lơh jat 3 tơngume mìng dùl lơm. Lài ngan là bè ală jơnau rơcang cih sră nggal yal pơrjum dờng dơ̆ 14 Đảng dê in. Tơngume mìng dùl dơ̆ 2 bè tam gơl wơl Sơnua boh lam mờ adat boh lam; broă rơndap lơh tĕ khà cau ala mat Quôk hội khoă XVI mờ cau ala mat Mpồl duh broă làng bol ală kâp tơngai lơh broă bơh nam 2026 tus nam 2031. Tơngume mìng dùl dơ̆ 3 là bè pơn jat tai rơndap sap sèng rơndap broă mpồl cau lơh broă tơrmù lơyah, geh cồng nha, tam gơl, bơ tơl ală jơnau cih bơh Đảng dê geh gơ rềng tus broă rơndap sap sèng, tơrmù lơyah mpồl cau lơh broă sră pơ àr gơnoar atbồ.