Tổng Ƀí thư ồng Tô Lâm pà gĭt tàm pơrjum dơ̆ do, Dà lơgar cribơyai ai jơnau đơs bal mờ 5 tơngume, tàm hơ̆ geh 3 mpồl broă kwơmàng là: Tơn jơh Jơnau lơh nền tàm pơrjum sồ 18 bơh Dà lơgar dê bè tam gơl pa, rơndăp tăp sèng rơndăp mpồl lơh broă bơh ală anih lơh broă cíñ trị dê tơrmù di pal, lơh broă gơtùi, geh cồng nha; Ală jơnau neh lơh nền bơtơl jơnau kờñ gơguh GDP nam 2025 bơh 8% rlau hơđang; Broă lơh kwang bàng jăt gơnăp gơnoar bơh Dà lơgar dê; jơnau yal sền swì wơl bơta sồr lơh, đơng lam bơh Ƀộ Cíñ trị, Mpồl Đơng lam Đảng dà lơgar dê tàm nam 2024; jơnau yal bè broă lơh sền swì, jăt sền nam 2024 mờ broă lơh sền swì, jăt sền nam 2025.

Bè broă tơn jơh Jơnau lơh nền tàm pơrjum sồ 18, Tổng Ƀí thư ồng Tô Lâm đơs sùm do là tơngume tờm kwơmàng ngan rlau jơh bơh Pơrjum dơ̆ do dê. Ƀộ Cíñ trị, Mpồl Đơng lam Đảng dà lơgar neh sồr lơh kràñ cê jơh nùs ngan mhar lam lơh jăt tơn jơh Jơnau lơh nền tàm pơrjum sồ 18 mờ rơndăp tăp sèng broă lơh tơrlòng lài rơndăp mpồl lơh broă pa jăt nùs nhơm “ntoăt ndang săp sèng ndang”, bañ lơh ir mơya kung ờ gŏ di gơ jă gơ jal ir, pal lơh di bơta boh lam Đảng dê, jơnau sồr, bơta pal jăt, pơlam gùng jơnau sồr bơh Dà lơgar dê.