Đơs tàm pơrjum ồng Lê Minh Hưng, Thủ tướng Chính phủ sồr ală bộ, gah mờ ală tiah pal rcang lài, bơceh lơh, ờ gŏ di kơ̆p kơldìng wơl, nàng kờñ gàr niam tŭ tơngai mut lơh mờ cồng nha broă lơh bơt bơtàu dê. Thủ tướng sồr pal lam lơh di, tơl broă lơh, sră pơ àr adat boh lam, lơh jat jơnau sồr măi mok lơngăp lơngai.

Sơlơ tơnguh tai ngui măi mok, tam gơl pa bơceh lơh, tam gơl sồ mờ tam gơl tơlir tàm broă mut lơh, lơh mhar tŭ tơngai mut lơh mờ tơnguh uă cồng nha broă lơh bơt bơtàu. Thủ tướng is ồn đơs sùm ờ gŏ di lời gơlik geh bơta ờ niam, sa kuề sa kuà, hoàc huơr pơhì pơhà priă jền bơh Dà lơgar mờ mpồl bơtiàn dê. Thủ tướng sồr Bộ Bơt bơtàu mờ ală tiah jat nền mat rơndăp broă lơh, tơrgùm lơh sir sră pơ àr rcang bơcri priă lơh, ring bal jơnau yal kơlôi sơnơng di pal mờ rơ wah cau bơcri priă gơwèt mờ ală rơndăp broă lơh kwơ màng.