Ồng Nguyễn Hoàng Giang, Củ tịc Anih duh broă Làng bol càr Quảng Ngãi sồr, bơh ală ngai bơh chờm, nhai bơh chờm nam pa dê tơn, ală sờh, gah broă lơh, ală tiah pal sơn đờm lơh broă mơ tơn, ờ lời gơlik geh bơta lơyài tơnơ̆ dơ̆ ơm rlô sa tềp. 

Củ tịc Anih duh broă Làng bol càr Quảng Ngãi kung sồr kờp sền jơh ală kơnòl broă gam wơl bơh nam 2025 dê, tơrgùm bơsong jơh; mờ kung lơh jat mùl màl ală Jơnau lơh nền tàm pơrjum bơh Đảng dê mờ broă rơndap lơh, broă jàu, phan lơh gơs loh làng mờ nùs nhơm tam gơl pa, bơceh lơh, đơng lam kràñ cê, geh cồng nha. Ală broă lơh ai cau lơh broă bồ nam, ngan là tàm gah lơh gơlik phan, kă bro, broă lơh rơ wah cau lòt ling mờ ală kơnòl broă tờm pal geh lam lơh ndrờm bal jat di broă rơndap lơh ai tơlik.