Anih duh broă Lơh kơnòl broă sùm Quôk hội đơs, ală jơnau đơs, jơnau dan neh geh đơs tàm jơnau yal lơh jat jơnau đơs, jơnau dan bơh cau tĕ khà mờ làng bol dê, lơh gơlik bơnàng jă kuơmàng ai broă jat sền broă lam lơh bơh ală anih lơh broă geh gơ rềng dê. Anih duh broă lơh kơnòl broă sùm Quôk hội sồr, Cíñ phủ, Thủ tướng Cíñ phủ, ală ƀộ, gah broă lơh dà lơgar tơrgùm sồr bơsong jơh ală jơnau đơs, jơnau dan gam wơl, jŏ jòng; sơlơ tơnguh kơnòl bơh cau atbồ dê, pơgồp bal cồng nha bơsong jơnau đơs, jơnau dan mờ jơnau sền sơ wì lam lơh kơnòl broă.

Kung tàm dar pơrjum, Anih duh broă Lơh kơnòl broă sùm Quôk hội neh ai jơnau đơs bè jơnau rơcang cih Jơnau lơh nền tàm pơrjum bơh Quôk hội dê bè bàr pe gùng dà, broă lơh tam gơl pràn bơtàu tơnguh niam chài Việt Nam mờ jơnau rơcang cih Adat Pin dờn, jat yàng (tam gơl). Anih duh broă Lơh kơnòl broă sùm Quôk hội sền sơ wì, ring bal Jơnau lơh nền tàm pơrjum bè broă tơng gơs 10 sơnah ƀòn gơ wèt càr Đồng Nai; tơng gơs ƀòn dờng Đồng Nai gơ wèt dà lơgar.