Thủ tướng đơs loh, Cíñ phủ gam kràñ cê jơh nùs, tơrgùm đơng lam bơsong tơn jơh ală broă, rơndăp broă lơh gam gơ kòl jŏ jòng, jơh nùs lơh ngan bơsong, tă bơsong ală bơta kal ke, kòl yan, tàm hơ̆ geh ală tơngume gơwèt gah atbồ bơh Ƀộ Lơh sơnơm dê. Gơwèt mờ rơndăp broă lơh bơt bơtàu anih 2 bơh ală Hìu sơnơm Bạch Mai, Hìu sơnơm Việt Đức, Thủ tướng sồr ală Ƀộ lơh sơnơm, Ƀộ Bơt bơtàu, Ƀộ ling klàng, Ƀộ Kwang àng jat gơnoar broă, kơnòl broă, gơnăp gơnoar sồr ală anih lơh broă geh gơrềng tơrgùm hòi jà uă ngan rlau jơh priă jền, lơh jat ring bal, kràñ cê jơh nùs, geh cồng nha nàng mhar bơsong tơn jơh ală bơta gơ kòl, kòl yan, ngan ngồn ai 2 nơm hìu sơnơm in mut lơh broă tàm qúy 2 nam 2026.

Thủ tướng ồng Lê Minh Hưng sồr Ƀộ Lơh sơnơm mhar lơh sir jơnau rcang cih Adat sàng goh phan ngui sa (tam gơl) mờ lơh sir gơnoar broă atbồ dà lơgar bè sàng goh phan ngui sa; bơt bơtàu broă rơndăp lơh, gùng lòt lam lơh kham pràn kơl dang să jan pah dơ̆ mờ kham rơwah ờ sa priă ết ngan rlau jơh pah nam 1 dơ̆ ai làng bol in, tàm hơ̆ geh bàr pe nă cau ai lơh lài mơ tơn tàm nam 2026, ngan là tàm tiah sar lơgar ngài.