Tàm dơ̆ lòt còp, Tổng Ƀí thư, Củ tịc lơgar ồng Tô Lâm rơp geh dơ̆ pơrjum bơyai kwang bàng kâp dờng kuơmàng mờ Tổng Ƀí thư, Củ tịc lơgar Lo ồng Tập Cận Bình mờ ală dơ̆ tìp mat cribơyai mờ ală kwang đơng lam bồ kâp dờng ndai bơh lơgar Lo dê, nàng bal mờ gơp cribơyai uă bè ală gùng dà, broă lơh dờng nàng kờñ ai bơta git gơp 2 gah mut tàm tŭ tơngai bơtàu tơnguh pa, kơ̆ kơljap mờ kơnhăp jŏ rlau, tơnguh gơnoar broă rlau. Tàm tŭ tơngai ală broă tàm tiah do mờ dunia geh uă tam gơl, dơ̆ lòt còp dơ̆ do là dơ̆ nàng 2 gah in cribơyai uă mờ ngan ngồn jat nùs nhơm song dơpă, sơrmah sơrmài bè ală broă tàm tiah do mờ ală lơgar sền gròi bal mờ sơlơ tơnguh tai bơta tàm pơgồp bal tàm ală mpồl lơh broă uă lơgar, bơsong dipal ală broă gam ờ niam, tă pơgồp tàm ring lơngai, kơ̆ kơljap, lơh broă bal mờ bơtàu tơnguh tàm tiah do mờ tàm dunia.