Pơrjum geh bơyai lơh nàng lơh jăt Jơnau đơs pơn dŭt sồ 17 bơh Bộ Chính trị dê bal mờ ală tơngu me tờm tàm Rơndăp broă Gùng dà broă lơh Adăt boh lam tơngai lơh broă Quốc hội khoă XVI; mờ, lùp lăp, cri bơyai bè jơnau sồr, tơngu me broă rơndăp lơh bal mờ ală gùng dà broă lơh jăt, gàr di tơngai mờ bơta niam.

Rơndăp broă ai 6 nùs nhơm đơng lam, 6 jơnau sồr gơwèt mờ broă lơh adăt boh lam tơngai lơh broă Quốc hội khoă XVI dê, bơta tờm là: gàr niam broă lơh, lơh gơs mpồl adăt boh lam geh ơn tềng đăp mờ broă đơng lam tơl ală bơta, nền nòn bơh Đảng dê; di tŭ lơh gơs kơrnoăt tơl, di pal gùng dà broă lơh, gùng dà bơh Đảng. Kơlôi sơnơng lơh wơl tơrgùm bal mờ pơn jăt tai lơh mùl màl jơh Sơnoa boh lam; lơh tơl broă lơh adăt boh lam nàng lơh niam wơl tơl ală bơta ală gah lơh sa mpồl bơtiàn. Rơndăp broă ai kơnòl broă kơlôi sơnơng tơn jơh, tam gơl tơrgùm jơh Sơnoa boh lam nam 2013 di pal mờ mùl màl, sồr bơtàu tơnguh dà lơgar tàm tơngai pa; mờ ai 8 gùng dà broă lơh adăt boh lam tờm pơgồp bal mờ 171 kơnòl broă pal lơh tàm tơngai Quốc hội khoă XVI dê.