Tàm 2 ngai nggùl lơh broă lồi dŭt bơh dơ̆ pơrjum dê, Quôk hội rơ̆p ring bal uă adat, Jơnau lơh nền tàm pơrjum kwơ màng drơng broă rơndăp tăp sèng, tơrmù mpồl lơh broă mờ sơlơ bơtàu tơnguh lơh sa- mpồl bơtiàn. Dơ̆ tơn jơh pơrjum geh bơyai lơh tàm drim ngai dơ̆ 4, ngai 19/02.

Đơs tàm mpồl tàm drim ngai 15/02, Tổng Ƀí thư ồng Tô Lâm đơs nền: broă ai lơh jat Jơnau lơh nền tàm pơrjum lơh tơrlòng lài bàr pe broă lơh nàng tă bơsong kal ke, kòl yan tàm lơh broă  jak chài, măi mok mờ tam gơl pa bơceh lơh là kwơ màng ngan, gơ jal ngan, gàr niam broă tă bơsong di tŭ ală kòl yan mờ pơn jờng lơh broă jak chài, măi mok mờ tam gơl pa bơceh lơh. Thủ tướng ồng Phạm Minh Chính den đơs sùm, kờñ bơtàu tơnguh mhar, kơ̆ kơl jăp, den jat tàm jak chài măi mok, tam gơl pa bơceh lơh, tam gơl sồ là jơnau sồr di pal. Den tàng pal tă bơsong bè gùng dà, bơsong tềng đăp mat bàr pe bơta kal ke, kòl yan nàng Jơnau lơh nền tàm pơrjum sồ 57 in gơ lòt mut tàm rài kis.