Tàm pơrjum, ală kwang bàng tàm Anih duh broă ring bal uă mờ ală tơngu me geh Duh broă sùm Anih duh broă rơcang cih jơnau tam gơl Sơnoa boh lam rơcang mờ đơs là tơngu me ală sră nggal neh di mờ jơnau kờñ jăt jơnau geh ai. Đơs tờm bơta kwơ, bơta kwơ màng geh nùs nhơm rài kah yau bơh broă tam gơl Sơnoa boh lam dê, Củ tịc Quốk hội sồr pal mhar lơh jăt Broă rơndăp lơh, bơyai lơh pơgồp jơnau đơs Làng bol, ală gah, ală kấp mờ bơto sồr broă bơyai lơh ai jơnau đơs, tơrgùm jơnau đơs Làng bol, ală gah lơh broă, ală kấp bè jơnau rơcang cih Jơnau lơh nền tàm pơrjum tam gơl, bơtơl ờ uă bơta tàm Sơnoa boh lam nam 2013.

Củ tịc Quốk hội sồr sơn đờm bơh ngai 06 nhai 5 rơp bơyai lơh yal jơnau pơgồp jơnau đơs bơh Làng bol bè jơh jơnau rơcang cih Jơnau lơh nền tàm pơrjum tam gơl, bơtơl ờ uă bơta tàm Sơnoa bơh lam nam 2013 bal mờ ală pang sră geh bal tàm Anih yal tơngit điện tử Cíñ phủ, Anih yal tơngit điện tử Quốk hội, ală anih lơh broă sră ƀăo bè: Anih sơn-io rùp Việt Nam (VTV), Anih jơnau đơs Việt Nam (VOV), Anih jơnau tơngit Việt Nam mờ Anih yal tơngit điện tử bơh Anih duh broă làng bol ală càr, ƀòn dờng gùt lơgar dê.