Broă lơh gùng do geh rơcang bơcri tàm nam 2025 do mờ lơh gơs, ai ngui tàm tơngai bơh nam 2026 tus 2030. Jơnau yal kơlôi sơnơng lài lơh geh cồng nha rơn broă lơh gùng rơndeh lòt mhar Quy Nhơn – Pleiku mờ kờp jơh priă bơcri lơh rơlao43 rơbô 500 tơmàn đong, uă rơlao mờ khà geh ai lài tàm broă rơndăp lơh dơ̆ sơnrờp.

Tàm sră yal lài mờ hơ̆, kờp jơh bơta jòng gùng di pơgăp 123 kơi sồ (gơl lòt gan càr Bình Định rơlao 37 kơi sồ, lòt gan càr Gia Lai jòng rơlao 85 kơi sồ). Rơcang ai rơndăp broă lơh in, Sờh Broă lơh sa suơn sre mờ Tiah ơm kis càr Gia Lai neh bơyai lơh tàm pơrlòng giă gơtùi 9 tiah ai ù lơh, tŭ lơi kung rơcang lài ai geh phan nàng drơng tàm broă lơh gùng.