Rlau 35 rơbô nă kơnòm pơrlòng càr Dăk Lăk mut tàm ngai pơrlòng sơn rờp bơh Dơ̆ pơrlòng jơh bơsram kấp pe nam 2026
Thứ sáu, 06:00, 12/06/2026
Cau mblàng K’Hạnh/VOV Tây Nguyên
Cau mblàng K’Hạnh/VOV Tây Nguyên
VOV.K’Ho- Drim ngai 11/6, rlau 35 rơbô nă kơnòm pơrlòng càr Dăk Lăk mut tàm ngai pơrlòng sơn rờp bơh dơ̆ pơrlòng jơh bơsram kấp pe nam 2026. Tơn jơh 120 phuk tŭ jiơ cih jơnau pơrlòng môn Ngữ văn ƀùi drim, uă ngan kơnòm pơrlòng lik bơh cơldŭ pơrlòng mờ nùs nhơm chờ hờp mờ pin dờn. Uă kơnòm pơrlòng đơs là jơnau pơrlòng jat tàm jơnau bơsram, bơnah sền wă ƀuơn đau sơl mờ jơnau sồr cih jơnau neh lơh geh bơta nrơ̆t gơwèt mờ ờ dồ ết kơnòm pơrlòng dê.
Cih dờp tàm uă tiah pơrlòng tàm càr Dăk lăk pà gŏ tơnơ̆ tŭ lơh sir môn Ngữ văn, uă ngan kơnòm pơrlòng ndrờm gàr geh nùs nhơm bè ờs, chờ hờp. Uă kơnòm pơrlòng tàm bơyai mhar bè jơnau pơrlòng mờ gơ̆p bơyô lài mờ tŭ rê ơm rlô, rcang ai môn pơrlòng pơn jat tai in tàm ƀùi mho mờ môn Toán.
Broă lơh bơyai lơh pơrlòng tàm ală tiah pơrlòng tàm ù tiah càr Dăk Lăk dê geh lơh jat niam, gàr niam bơta lơngăp lơngai, lơh geh ală bơta ƀuơn ngan nàng kơnòm pơrlòng in mut tàm ală môn pơrlòng pơn jat tai mờ nùs nhơm pin dờn mờ lơh ngan lơh geh cồng nha niam ngan rlau jơh.
Viết bình luận