Uă kal ke, kòl yam geh sồr pal gờñ sền gròi tă bơsong. Rơndăp broă lơh gùng rơndeh lòt mhar Bảo Lộc- Liang Khàng là tơrgùm bơnah dŭt ndơl bơh gơl gùng rơndeh lòt mhar Dầu Giây – Liang Khàng, kờp jơh geh bơta jòng mờr 74 kơi sồ. Geh mòn lơh dờng 4 bơnàng gùng rơndeh lòt, tàm tơngai dơ̆ 1 bơnàng gùng ơnàng 17 thơk (4 bơnàng gùng rơndeh lòt tơrmù ƀà, ntoăt mhar ai lơh 80 kơi sồ dồ jiơ), bơcri priă lơh jat broă lơh lơh bal dà lơgar mờ làng bol cau dồ nă să (PPP), bơta sră pơr gơn lơh - kă bro phan - tàm jàu (BOT), mờ kờp jơh khà priă bơcri lơh tơngai dơ̆ 1 là rlau 17 rơbô 700 tơmàn đong. Tơngai mut lơh broă kờp dŭ là 30 nhai.

Đơs tàm dơ̆ lơh rboă, ồng Nguyễn Hồng Hải, Phó Củ tịc Anih duh broă Làng bol càr Lâm Đồng sồr ală sờh, gah broă geh gơrềng pal mhar lơh sir ală sră nggal, sră pơ àr di mờ jơnau sồr. Is ồn là broă lơh ai ù, ai wơl ù pal lơh kơrhia ngan, lơh jat ală bơnah broă, ală broă lơh niam ngan. Sờh Broă lơh sa suơn sre mờ Tiah ơm kis tơrgùm dong kờl, tă bơsong kal ke geh gơrềng tus broă lơh ai ù bơh ală tiah làng bol kis pa dê.