Tàm dơ̆ tìp mat kấp dờng, Củ tịc lơgar ồng Lương Cường đơs nền Việt Nam sùm sền dờng màng bơtàu tơnguh bơta gĭt gơ̆p lơh bơyô bal ờs mờng mờ lơh broă bal uă bơta mờ Ai cập mờ kơ̆p kờñ ai bơta gĭt gơ̆p lơh broă bal đah 2 gah gơguh tus gơnoar broă pa, kơ̆ kơnhăp rlau, ngan ngồn mờ geh cồng nha rlau tai.

Jờng rơ uă ngan ală tŭ tơngai lơh broă bal mờ Ai Cập mờ câu Phi, Củ tịc lơgar ồng Lương Cường sồr sơlơ tơnguh tai tàm pơgơl kwang bàng kấp dờng mờ ală kấp, bơt bơtàu ală tơngume adat boh lam pa, lơh geh bơta ƀuơn ai lơh broă bal đah 2 lơgar in tàm jơh ală gah broă. Củ tịc lơgar sồr 2 gah lơh pràn pơgồp bal, lùp lăp bal mờ kờñ bal mờ gơ̆p tàm ală gah cribơyai ală lơgar mờ tàm tiah do dê, sơlơ tơnguh tai cribơyai mờng chài lơh broă tàm gah sền gàr ring lơngai, lơgar tàm gùl cri tơrña bơyai nàng kờñ tă pơgồp jơh nùs tàm ring lơngai mờ kơ̆ kơl jăp bơh tơl tiah mờ tàm dunia dê.