Tàm ală dơ̆ pơrjum bơyai, Kwang atbồ lơgar Ai Cập ồng Abdel Fattah Al Sisi đơs nền dơ̆ lòt còp kâp dà lơgar bơh Củ tịc lơgar mờ Mpồl kwang bàng kâp dờng lơgar Việt Nam dê là dùl tềl kuơmàng ngan, lơh gơs dùl tŭ tơngai lơh broă pa ai bơta git gơp 2 lơgar in tơnơ̆ rlau 60 nam lơh bơta git gơp cribơyai broă mờ lơgar ndai mờ tơnguh bơta git gơp gơs lơgar lơh broă bal tơl làm. 

Bàr nă kwang đơng lam bồ neh cribơyai bè bơta bơtàu tơnguh lơh sa mpồl bơtiàn bơh tơl lơgar dê, jờng rơ ală bơta bơtàu tơnguh niam ngan tàm bơta git gơp đah Việt Nam mờ Ai Cập, đơs nền bơta pơn đơl pràn lơh gơlik tam gơl pràn ai lơh broă bal 2 gah in tàm jơh ală broă. Cribơyai bè ală broă tàm tiah do mờ ală lơgar mờ jơh bal 2 gah sền gròi, Củ tịc lơgar ồng Lương Cường đơs niam gơnoar broă lơh kòn gùng, bơyai gơ rờm bal bơh Ai Cập dê tàm broă jòi ală broă lơh ai ală dơ̆ tam lơh tàm tiah do in.