Kờp tus ngai òr (18/06), càr Dăk Lăk neh lơh gơs broă lip jơnau rơcang lài broă lơh bal mờ rlau 1 rbô 700 pang sră jà jơh bal dà Yoan mờ dà Mỹ pơyua tus ală cau ala mat, cau bơcri priă tàm lơgar mờ bơdìh lơgar.

Pơrjum hòi jà bơcri priă sơn rờp tơnơ̆ tŭ tơrgùm dùl càr, Dăk Lăk kờp dŭ rơp jàu jơnau lơh nền ring bal gùng dà bơcri priă, dờp sră cơng tàng cih tàm sră bơcri priă halà sră cih ai 28 rơndap broă lơh dờng in, mờ kờp jơh priă bơcri cih tàm sră gơguh tus rlau 43 rơbô 500 tơmàn đong. Nàng gàr pơrjum bơyai lơh geh cồng nha, gơ hòi gơ jà geh uă cau bơcri priă kuơmàng, ồng Đỗ Hữu Huy, Chủ tịch Anih duh broă Làng bol càr Dăk Lăk sồr ală sờh, gah broă lơh pơn jat tai sền wơl mat rơndap broă lơh, rơcang lài tìp ală mpồl lơh sa kă bro mờ lơh sir ală bơta pal geh nàng bơyai lơh broă lơh.