Tus bal Pơrjum dờng geh 793 nă cau ala mat ngan ngồn là ală cau ùr geh pơn rơ jak, ala mat ai ală rơnàng cau ùr, ală jơi bơtiàn, jat yàng, gah lơh broă mờ mpồl cau tàm mpồl bơtiàn tàm gùt lơgar. Pơrjum dờng dơ̆ do sền swì cồng nha srơh cau ùr mờ broă lơh Mpồl tơngai lơh broă bơh nam 2022 tus nam 2026, ai tơlik gùng dà, jơnau kờñ lơh geh, kơnòl broă mờ broă lơh lơh broă Mpồl, srơh cau ùr tơngai lơh broă bơh nam 2026 tus nam 2031.

Tàm tơngume Pơrjum dờng, Pơrjum dờng rơp pồ Mpồl duh broă Mpồl tam klac cau ùr Dà lơgar Việt Nam khoă XIV, tơngai lơh broă bơh nam 2026 tus nam 2031; Pơrjum dờng kung tơrgùm cribơyai bè ală tơngume lam lơh tàm tơngai lơh broă tus, geh: Pơn jat tai tam gơl pa tơngume, broă lơh lơh broă Mpồl dê; Jơh nùs tus bal bơt bơtàu Đảng mờ ală anih lơh broă chính trị sàng goh, kơ̆ kơljap, pràn kơldang; Bơt bơtàu cau ùr Việt Nam rài pa, pơgồp bơnah bơtàu tơnguh niam chài mờ kòn bơnus Việt Nam; Gơnoar broă cau ùr dê tàm bơtàu tơnguh lơh sa, pơgồp bơnah lam lơh jơnau kờñ gơguh lơh sa mhar, kơ̆ kơljap bơh dà lơgar dê; bơt bơtàu bơta kuơ hìu bơnhă Việt Nam “gơguh jak, niam chài, hờm ram, gơboh gơbài”.