Đơs tàm dơ̆ sơn đờm pơrjum, Củ tịc Anih duh broă Mặt trận Dà lơgar Việt Nam ồng Đỗ Văn Chiến đơs sùm: tàm bơta pa, Mặt trận Dà lơgar Việt Nam lơh jăt nền nòn rơlao tai gùng dà broă lơh bơh Đảng, adăt boh lam bơh Dà lơgar dê; lơh ngan tam gơl tơngu me, gùng dà broă lơh, tơrgùm tam klăc bal ală làng bol, hòi jà ală cau pràn, tềng đăp broă đơng lam bơh Đảng, dùl nùs, dùl bơta pràn sền gàr mờ bơ̆t bơtàu dà lơgar pas gơs pràn kơl dang.

Pơrjum neh tơrgùm cri bơyai, pơgồp jơnau đơs ală tơngu me bơh Gùng dà broă lơh wơl ờ uă bơta, tơngu me nàng tơl niam broă đơng lam bồ bơh Đảng dê gơwèt mờ Mặt trận; tơnguh gơnoar bơh làng bol tàm broă bơ̆t bơtàu mpồl tam klăc gùt jơi bơtiàn. Ală jơnau đơs kung sồr pal sền wơl, kơlôi sơnơng bơtơl ờ uă pơrjum mìng lơh dùl tơngu me nàng cri bơyai, pơgồp bal jơnau đơs gơwèt mờ broă bơtàu tơnguh dà lơgar, tàm hơ̆ uă ngan là ală tơngu me, broă lơh gơrềng bal tus broă bơtàu tơnguh dà lơgar tàm rài pa jơi bơtiàn; broă tơrgùm di pal mpồl kwang bàng lơh broă pràn, geh cồng nha.