Anih Duh broă Lơh kơnòl broă sùm Quôk hội rơ̆p tă pơgồp jơnau đơs bè broă mblàng yal lơh loh, iăt kơno, tam gơl wơl jơnau rcang cih Adat Lơh sa mờ măi mok măi mok sồ; jơnau rcang cih Adat lơh broă (tam gơl); jơnau rcang cih Adat tam gơl, bơtơl bàr pe bơta bơh Adat Yal tơngĭt; jơnau rcang cih Adat tam gơl, bơtơl bàr pe bơta bơh Adat Jơnau sồr mờ Jơnau sồr pal lơh jăt bè lơngăp lơngai măi mok.

Bal mờ hơ̆, Anih Duh broă Lơh kơnòl broă sùm Quôk hội rơ̆p sền sơwì, ring bal Jơnau lơh nền tàm pơrjum sồr cih nền nòn broă bơyai lơh tìp mat mờ cau tĕ khà bơh cau ala mat Quôk hội mờ ala mat Mpồl duh broă Làng bol dê; Jơnau lơh nền tàm pơrjum bơh Anih Duh broă Lơh kơnòl broă sùm Quôk hội cih bè broă lơh jat làng bol lơh tờm tàm dơlam is ală anih lơh broă Quôk hội, anih lơh broă gơwèt Anih Duh broă Lơh kơnòl broă sùm Quôk hội, ală anih lơh broă bơh Mpồl duh broă Làng bol ală kấp dê. Di dơ̆ do, Anih duh broă Lơh kơnòl broă sùm Quôk hội kung tă pơgồp jơnau đơs bè broă rcang Pơrjum nisơna dơ̆ 9, Quôk hội khoă XV.