Jat kờp dŭ, dar pơrjum geh lơh gơs 2 dơ̆, dơ̆ 1 geh lơh bơh ngai 14 tus ngai 17/4/2025; dơ̆ 2 geh lơh bơh ngai 22 tus àng drim ngai 28/4/2025. Uă rơndap lơh adat boh lam kuơmàng rơp geh ai jơnau đơs tàm dar pơrjum bơh Anih duh broă Lơh kơnòl broă sùm Quôk hội dê.

Tàm dar pơrjum do, Anih duh broă Lơh kơnòl broă sùm Quôk hội ai jơnau đơs bè sră nggal dan: tam gơl, bơtơl bàr pe bơta bơh Sơnua boh lam nam 2013 dê; lơh Anih duh broă rơcang cih tam gơl, bơtơl bàr pe bơta bơh Sơnua boh lam nam 2013 dê; ai jơnau đơs làng bol bè rơcang cih tam gơl, bơtơl bàr pe bơta bơh Sơnua boh lam nam 2013 dê. Anih duh broă Lơh kơnòl broă sùm Quôk hội kung sền sơ wì, ring bal Jơnau lơh nền tàm pơrjum bơh Anih duh broă Lơh kơnòl broă sùm Quôk hội dê bè broă rơndap tap sèng wơl ù tiah càr, ƀòn dờng (ala Jơnau lơh nền tàm pơrjum sồ 35 nam 2023 bơh Anih duh broă Lơh kơnòl broă sùm Quôk hội khoă XV dê bè broă rơndap sap sèng ù tiah kâp kơnhoàl, kâp sàh, tơngai bơh nam 2023 tus nam 2030).