Càr Dăk Lăk gam lam lơh bơ̆t bơtàu 3 hìu bơsram ơm sa bĭc tơn tàm hìu bơsram ală kâp tàm ală sàh nhàr lơgar Ia R’vê, Ia Lốp mờ Buôn Đôn mờ kờp jơh priă bơcri 390 tơmàn đong, drơng mờr 3 rbô 300 nă kơnòm bơsram Kâp dùl mờ Kâp bàr. Ală klờng pal lơh sir ai mŭt ngui tàm nhai 8 nam do. Ồng Võ Văn Lợi, Phó Kwang Lam bồ Mpồl Ătbồ rơndăp broă lơh Bơcri priă bơ̆t bơtàu càr Dăk Lăk pà gĭt, cau tờm bơcri priă gam kơlôi sơnơng ală pơlam bơh Ƀộ Bơ̆t bơtàu dê nàng dan broă rơndăp lơh bơsong tă bơsong kal ke ai cau tờm lơh in.

Bulah gam uă kal ke bè trồ tiah, phan ngui bơ̆t bơtàu mờ cau lơh broă, ală mpồl lơh mờ cau tờm bơcri priă gam lơh ngan pơgồp bal tă bơsong bơta gơkòl, lơh mhar tơngai pơrgon lơh nàng ală klờng ơm sa bĭc tơn tàm hìu bơsram tiah nhàr lơgar gờñ ai mŭt ngui, lơh geh jơnau kờñ bơsram bơh kơnòm bơsram tiah nhàr lơgar dê.