Broă lơh geh bơta geh măt bal bơh rlau 100 mpồl lơh sa kă bro Việt Nam mờ lơgar ală ƀang Nga lơh broă tàm ală broă năng lượng, kă bro phan, bơcri priă, lòt nhơl, gah rơndeh par mờ măy mŏk. Dùl tàm ală bơta tờm kwơmàng bơh broă lơh dê là Dơ̆ jàu ală sră nggal lơh broă bal đah mpồl lơh sa kă bro 2 lơgar tềng đăp bơta sền gŏ bal bơh ồng Lê Minh Hưng, Thủ tướng Chính phủ dê mờ đơng lam kâp dờng bàr đah.

Pal sền ngăc là ală jơnau lơh nền lơh broă bal tàm broă nhơm zờu đah Petro Vietnam mờ Zarubezhneft, mơkung yal uă sră nggal cih kah lơh broă bal tàm ală broă năng lượng, jak chài măy mŏk, bơtàu tơngguh phan bơna bơ̆t bơtàu, tam gơl sồ, lơh sơnơm, lòt nhơl mờ bơcri priă. Ală jơnau ring bal geh cribơyai tàm broă lơh pơgồp bơnah pờ ơnàng gĭt gơ̆p lơh broă bal lơh sa đah Việt Nam mờ lơgar ală ƀang Nga; lơh gơlik bơnàng jă ai broă lam lơh ală rơndăp broă lơh loh làng, cèng wơl bơta kwơ ngan ngồn ai mpồl lơh sa kă bro mờ rài lơh sa bàr lơgar in tàm tơngai tus.