Broă lơh do hòi lơyah là “Tick tơlir kơnòl” bơh ƀòn dờng Hồ Chí Minh lam lơh bơh nhai 03 nam 2024. Jơnau kờñ wèt tus lơh gơlik phan lơngăp lơngai, kơ̆ kơl jăp bơh yal sơñio drà tăc blơi tàm bơta pal jăt lơh is, loh làng mờ song dơ pă. Pơrjum đơs nền, broă lơh neh dờp geh bơta lơh jăt, jờng rơ ngan bơh ală anih lơh gơlik phan dê jăt ngui ală broă lơh sok sền bơta niam kơ̆ kơl jăp mờ sền do là tŭ niam bơtàu tơngguh drà tăc blơi, tơngguh uă bơta pràn tàm pơrlòng.

Tus tŭ do, broă lơh neh geh 8 hìu tăc rah rài, drà pa khà dùl bơh jơh gùt lơgar dê dồ nùs ring bal, lơh lài mờ gơnoar broă tề lam cau lơh gơlik phan gơ wèt ală anih lơh bal. Dơ̆ do, ƀòn dờng Hồ Chí Minh, ală càr Tây Nguyên mờ 8 nă cau tah rah rài neh kĭ hơ jơnau ring bal lơh broă bal sok sền bơta niam phan bơna kă bro. Tàm hơ̆, ală càr Tây Nguyên geh kơnòl dong kờl ală mpồl lơh sa kă bro tus bal “Tick tơlir kơnòl”, lơh gơlik phan bơna niam uă ai ală anih tăc blơi in.