Dơ̆ lòt lơh broă geh gơtha kwơ màng, pơn jat tai đơs nền gùng dà broă lơh lơh broă mờ lơgar ndai is, rcang is, lơh broă mờ uă lơgar, lơh li la uă, rcang lài, jơh nùs mut gơ rờm bal mờ ală lơgar tơl làm, jrô ơnàng làm uă mờ geh cồng nha bơh lơgar Việt Nam dê, pơgồp bơnah lơh jrô ơnàng làm uă bơta gĭt gơ̆p bơh lơgar he dê mờ ală lơgar lơh broă bal kwơ màng, tơnguh uă rlau tai bơngă, gơnoar  broă mờ tă pơgồp geh kơnòl bơh lơgar Việt Nam dê, mblàng yal jơnau yal bè jơh nùs lơh ngan, bơta kơ̆p kờñ bơtàu tơnguh bơh jơi bơtiàn, gơ hòi gơ jà uă ngan rlau jơh ală priă jền ală lơgar dê nàng drơng ală jơnau kờñ bơtàu tơnguh Dà lơgar.

Dơ̆ lòt còp ngan ngồn tus lơgar Ba Lan, Czech mờ lơh broă tàm lơgar Thụy Sỹ là tŭ tơngai kwơ màng nàng Việt Nam in sơlơ tơnguh tai lơh broă jrô ơnàng làm uă rlau tai mờ ală lơgar kung bè tiah tàm gùl đah mat tơngai lik câu Âu mờ EU, lơh jat niam gơnoar  broă rbàng tàm tơrbŏ bal đah Ba Lan, Czech mờ Asean, sơlơ tơnguh tai pơgồp bal bơsong ală broă tàm tiah do mờ gùt plai ù, tă pơgồp ai bơta ring lơngai, kơ̆ kơl jăp, lơh broă bal mờ bơtàu tơnguh kơ̆ kơl jăp tàm tiah do mờ tàm  dunia.