Đơs tàm pơrjum, Thủ tướng sồr ală ƀộ, gah lơh broă gơrềng bal tơrgùm rơcang sră nggal ai mpồl lơgar Việt Nam tus lơgar Mỹ in nàng tàm bơyai. Jăt mờ hơ̆, sồr lơgar Mỹ ơm ing broă ngui dia gơwèt mờ lơgar Việt Nam tàm 45 ngai nàng geh tơngu me tờm, tơl bơta, rơcang tam gơl bơta.

Tơrña bơyai nàng wèt tus ndrờm bal kă bro phan kơl jăp, geh kwơ bal đah bàr gah; geh kwơ ai cau ngui 2 gah in, mơya ờ gơrềng tus jơnau hơ bal ală lơgar. Thủ tướng đơs nền nùs nhơm tơrñao bơyai di jăt bè dơ̆ cri bơyai tàm điện thoại đah Tổng Ƀí thư ồng Tô Lâm mờ Kwang atbồ lơgar Mỹ; ai geh jơnau yal tŭ lơi kung rơcang lài tàm pơgơl mờ lơgar Mỹ, ai kgà dia blơi phan bơh lơgar bơdìh rê 0% gơwèt mờ phan kă bro blơi bơh lơgar Mỹ; mờ sồr lơgar Mỹ ngui khà dia ndrờm bal mờ phan kă bro blơi bơh lơgar Việt Nam; pơn jăt tai pơlam, ai tơl bơta ƀuơn nàng ală kông ty lơgar Mỹ bơcri priă rơlao tai tàm lơgar Việt Nam.