Đơs tàm dar pơrjum, Thủ tướng ồng Phạm Minh Chính pà git, pa do, Cíñ phủ neh ai khà gơguh lơh sa (GDP) nam 2025 bơh 8,3 tus 8,5% mờ nùs nhơm gơguh mhar, gơguh uă mơya pal kơl jăp; tàm hơ̆ bơtàu tơnguh bơta chài măi mok, tam gơl bơceh lơh, tam gơl sồ là dùl broă lơh kwơ màng.

Thủ tướng sồr ai loh làng ală kơnòl broă mờ phan geh lơh mùl màl bơh ală ƀộ, gah lơh broă, ală càr, ƀòn dờng dê tàm nhai 7, quý III mờ ală nhai lồi nam. Tàm hơ̆, rơwah tơl broă lơh tơngu me jơnau tơngit, tàm hơ̆ uă ngan là tơngu me jơnau tơngit bè atbồ ù tiah. Thủ tướng jào Ƀộ Priă jền ai tơl priă dà lơgar nàng tơl priă bal mờ cau lơh bră lơh geh cồng nha ală broă lơh, broă rơndăp lơh, rơndăp broă lơh; tàm hơ̆ pal bơcri priă di pal, geh cồng nha, tơrgùm bal.