Gờm chờ Làng bol pa wă rò Sa tềp nam Ất Tỵ 2025 chờ hờp chờ hờn, brơn brài, bềng nùs nhơm niam, niam bơnĕ, lơngăp lơngai, “dơlam ram, bơdìh lơngai”, hìu lơi kung geh Sa tềp lơm, jơh gùt lơgar geh Sa tềp lơm, Thủ tướng Cíñ phủ đơs, broă bơyai lơh rơcăng, wă rò Sa tềp pal chờ hờp chờ hờn, niam bơnĕ, ram mhŭ, tềm pềr, bềng nùs nhơm niam, lơngai làng bol, niam, lơngăp lơngai, tơl hìu ndrờm geh Sa tềp, geh ală jơnau kờñ neh ai jăt jơnau sồr bơh Mpồl Đơng lam Đảng Dà lơgar mờ Cíñ phủ dê, Thủ tướng Cíñ phủ dê; lơh geh nùs nhơm duh hồl, chờ hờp, lơh geh bơta rơcăng, bơta pràn, nùs nhơm rơcăng lài, gơdan bơh jơh gùt jơi bơtiàn dê mŭt tàm nam 2025.

Thủ tướng Cíñ phủ pà gĭt, tus do Đảng ƀộ Cíñ phủ rơ̆p bơyai lơh pơrjum bơh sơnrờp; sồr ală ƀộ, gah, ală tiah lơh jăt kràñ 13 mpồl kơnòl broă tờm mờ 67 kơnòl broă loh làng ai ală ƀộ, anih lơh broă, ală tiah in tơrgùm lam lơh tơn tơnơ̆ Sa tềp; pơn jăt tai tơnguh tai bơcri priă dà lơgar, ngan là ală rơndăp broă lơh, broă bơ̆t bơtàu kwơmàng dà lơgar dê, ală Broă lơh jơnau kờñ dà lơgar dê; kràñ cê jơh nùs, geh cồng nha broă lơh rơndăp tăp sèng, tơrmù dipal rơndăp mpồl lơh broă; sền gròi lơh jăt ală broă lơh gàr niam lơngăp lơngai lơh broă; lơh jăt niam broă dong kờl rài kis mpồl bơtiàn, chồl tơngguh pràn kơldang ală broă lơh lơh gơlik phan kă bro, lơh geh broă lơh, broă sa ai làng bol in, pơnđơl lơh geh jơnau kờñ gơguh lơh sa nam 2025 bơh 8% rlau hơđang...