Tàm dơ̆ bơyai lơh, Ƀộ trưởng Ƀộ Broă dơlam is mò Phạm Thị Thanh Trà neh yal, Thủ tướng ồng Phạm Minh Chính neh jàu ală jơnau lơh nền sồr ntrờn mờ pồ ồng Trần Đức Thắng, Ƀí thư Tỉñ ủy càr Hải Dương ăt gơnoar broă Phó Lam bồ dờng Lùp sền Duh broă sùm Lùp sền Cíñ phủ; ồng Hồ Văn Niên, Ƀí thư Tỉñ ủy càr Gia Lai ăt gơnoar broă Thứ trưởng Duh broă sùm Ƀộ Jơi bơtiàn mờ Pin dờn jăt yàng.

Đơs dờp kơnòl broă, ală ồng Trần Đức Thắng, Hồ Văn Niên tơlik nùs nhơm gĭt ưn ngài uă ngan Ƀộ Cíñ trị, Mpồl Đơng lam Đảng Dà lơgar, ală oh mi đơng lam Đảng, Dà lơgar neh dòn kơnờm, jàu kơnòl broă; đơs sùm broă geh sồr ntrờn, pồ gơnoar broă pa là dùl bơta chờ hờp dờng ngan, mơkung là kơnòl dờng kơn jơ̆ kơn jŭt ngan gơ wèt mờ să tờm tàm ală tŭ lơh broă mờr tus; đơs nền rơ̆p pơn jăt tai lơh ngan pơnđơl mờ kơ̆p kờp pơn jăt tai dờp geh bơta sền gròi, sồr lơh bơh ală oh mi đơng lam dê, bơta pơgồp bal lơh broă bơh ală anih lơh broă dê nàng lơh gơs jak ngan kơnòl broă geh jàu.