Bàr nă kwang đơng lam bồ niam nùs bè ală broă bơtàu tơnguh pràn ngan tàm bơta gĭt gơ̆p đah 2 gah dê. Singapore gàr niam lơgar bơcri priă dơ̆ 2 dunia tàm lơgar Việt Nam; geh tai 2 Tiah lơh sa mờ măi mok Việt Nam mờ Singapore geh pà gùng dà broă lơh dờp bơcri priă lơh, lơh geh broă lơh 20 tiah VSIP tàm 14 càr, ƀòn dờng Việt Nam dê, priă lơh geh kă bro phan mờ lơgar ndai gơguh kơ̆ kơl jăp, lơh geh 10 tơmàn 300 tơlak dolar Mỹ nam 2024. Việt Nam gơ gơs lơgar tăc phe mờ lơgar ndai dờng ngan rlau jơh tàm lơgar Singapore.

Bàr nă kwang đơng lam ring bal bè ală broă lơh “jơh nùs lơh nền, di tŭ” nàng tơnguh bơta pin dờn cíñ trị, lơh geh tam gơl pràn pa ai bơta gĭt gơ̆p Tam klăc lơh broă bal jŏ jòng tơl làm; tềng đăp mat gờñ lơh sir mờ lơh jat geh cồng nha broă lơh lơh broă lam lơh tơngume bơta gĭt gơ̆p pa tơngai bơh nam 2025 - 2030.  Bàr gah ring bal pal sơlơ tơnguh tai tàm pơgơl mpồl kwang bàng, tìp mat kwang bàng kấp dờng mờ ală kấp; lam lơh geh cồng nha ală broă lơh lơh broă bal đah 2 gah, is ồn là broă lơh pơrjum pah nam đah Thủ tướng 2 lơgar dê.