Đơs tàm Dơ̆ lam lơh, Thủ tướng ồng Phạm Minh Chính đơs wih đơs wơl: Srơh “Jơh gùt làng bol bơsram sồ” geh gơtha dờng ơnàng ngan gĭt lơh mờ niam chài kòn bơnus uă ngan gơ wèt mờ bơta bơtàu tơngguh dà lơgar, tơnggŏ lơh ngan jơh nùs Đảng, Dà lơgar dê tàm broă lơh bơtàu tơngguh Cíñ phủ sồ, lơh sa sồ, mpồl bơtiàn sồ, cau làng bol sồ ngăc ngar, jak chài mờ niam chài kòn bơnus; đòm jăt bơhiàn jak bơsram, hàm kờñ lùp bơsram, nùs nhơm bơsram sùm jơh rài kis bơh jơi bơtiàn Việt Nam dê.

Yal wơl 80 nam lài, tŭ dà lơgar pa ai geh lơngăp lơngai is, rlau 95% khà kờp làng bol ờ hềt gĭt sền, ờ hềt gĭt cih…srơh “Jơh gùt làng bol bơsram sră” tơlik măt bal mờ jơnau kờñ jal mhar là tơn jơh bơta ờ gĭt sră, tơngguh uă bơta gĭt wă niam chài ai Làng bol in mờ mìng tàm dùl tŭ tơngai lơyah lơm, gĭt nđờ tơlak nă làng bol Việt Nam neh gĭt sền, gĭt cih, pơgồp bơnah kwơmàng tàm broă lơh bơ̆t bơtàu mờ sền gàr Dà lơgar, Thủ tướng đơs loh, dà lơgar gam ơm tềng đăp tŭ jiơ kah yau nàng mŭt tàm rài pa, bơtàu tơngguh pràn kơldang bal mờ bơta gơn kơnờm tờm tus bơh jak chài, măy mŏk, tam gơl pa bơceh lơh mờ tam gơl sồ.