Đơs tàm dơ̆ sơn đờm lơh, Thủ tướng sồr mpồl tờm bơcri priă, mpồl tờm lơh rơndap broă mhar ai jơh măi mok, cau lơh broă nàng lam lơh broă lơh jat nùs nhơm “3 ka, 4 kíp”, lơh ngan lơh gơs gơl gùng lòt gan càr Nam Định, Thái Bình tàm nam 2026, gàr bơta niam, ờ tơnguh priă bơcri. 

Thủ tướng sồr ală càr, mpồl lơh broă geh gơ rềng lơh niam broă tơm wơl, dong kờl, ai ù lơh rơndap broă; gàr niam broă ai geh phan nàng lơh, gàr tŭ tơngai hơ pơrgon bơh rơndap broă lơh dê. Thủ tướng hòi jà nùs nhơm geh kơnòl bơh ală càr Ninh Bình, Nam Định, ƀòn dờng Hải Phòng dê pơgồp bal jơh nùs nàng ngui gơl gùng geh cồng nha, mờ kung pin dờn, mờ nùs nhơm bơh sap jañ sơng gơr Thái Bình nam 1930 dê, Thái Bình rơp lơh gơs niam ală broă lơh do.